Tsar: Ivangeli ka nyi? Ka u samber a loho u dedoo u ku u Yesu Kristu man mnder Na shin ku sha ci u mbaasorabo. Er Yesu A hembe tar man A lu Tor u tar cii yô ka A na mde u asorabo man iyua i mhim hen hanmaor u nan ungwa loho ne man nan ne Un jighjgh yô (Mbaroma 10:9). 

Ken asav asav yô se kaa ser: 

• Ivangeli – Yesu Kristu hemba ishoribo man ku, ngu nan mde u asorabo man uma u tsôron 
• Orivangeli – Ka or u van a loho ne hen ior 
• Ka hana i pasen ivangeli? – Ka hen ior mba ve lu a fa zege mhôôn ne ga la; shi u taver mba ve vande fan la asema 
• Loho ne ka u ana? – Ka Aôndo i lu loho Na ye. Mbaivangeli cii mba zan a za ityom.

Hange hange u ivangeli

1. Ka oda (command) u Yesu Kristu hen ior Nav (Matt. 28:18 – 20)
2. Yesu ka gbenda u myom tswen (Yoh. 10:4; Aer. 4:12; Mbaroma 10:13-15)
3. Aa ivangeli i yôôn shio yô, nongo u Kristu u a lu ga, shin u a vôr (Sinodi u 2018 nder Nongo u Kristu sha kwagh u ivangeli)
4. Mtsaha ngu sha ci u mba vea yôôn ivangeli ga la – Esek. 3:17-21; Aer. 20: 26, 27; 1Kor. 9: 16, 17)
5. Injar i vesen ngi sha ci u mba yôôn ivangeli (Matt. 19: 27 – 29; Dan. 12:3)

MTIM U SHA UHAR 

Zegezaiyol u orumace (mvihi u or)

Mpin 1: Ka nyi i lu zegezaiyol u orumace? (Orhemen mtim a na ior ian ve na mrumun sha mba mhen vev) 

Mrumun 1: Zegezaiyol u or ka ishoribo, ka ibanave ga!

Mpin 2: Ka nyi i lu ishoribo? (Orhemen mtim a na ior ian ve na mrumun sha mba mhen vev)

Mrumun 2: Ishoribo yô ka u peren atindi a Aôndo A we er se kura sha u civir Un la. Ka u lun ken marami u or man eren kwagh sha mlu u or la; ka u lun a mbamhen mbabov man hanma ieren shin mhen u a ne Aôndo icivir ga la (Mbagalatia 5:19-21, Mbaroma 8:5-8) (Orhemen mtim a wase ior ve kav kwagh u alu malami u or yô wanger wanger) 

Mpin 3: Ka ior cii ve er ishoribo ye? 

Mrumun 3: Icighan Bibilo kaa er, ior cii i jile ve ken ishoribo sha ci u mbamaren asev mba hiihii (Upas 51:5), Adam man Ifa yange ve er ishoribo yô; nahan ior ci hingir mbaasorabo (Mbaroma 3:9 – 18,23, 5:12; Orp. 7:20).

Mpin 4: Kanyi ishoribo ka i va a mi hen atô u Aôndo vea or?

Mrumun 4: Ishoribo ka i pav or vea Aôndo. Ishoribo shi ka i va a angev, ican, ishima i vihin, ku, ishoribo ka i bunde awashima u dedoo u Aôndo sha or shi ka i kôr or kpan kpaa (Gen. 3:14 – 17; Yes. 59:1 – 3; Anz. 5:22, 28:13, Yoh. 8:34; Mbaroma 6:23)

Mpin 5: Er nan man i lu hange hange u se pase ior kwagh u ishoribo tsembelee, se yer makwagh ga, shighe u se lu yôôn ivangeli?

Mrumun 5: Aluer se yer kwagh u ishoribo yô ior vea fa ga. Orshoribo tema ken mure u kuu nahan a fa kwagh u una va tser un la ga. Satan ngu tsughun un yô a hen er un ngu a zaiyol ga shin er a lu eren ishima i Aôndo ga nahan kpaa (Matt. 4:16 – 17).  Or hemen mtim a wase ior ve kav inja i “Orshoribo tema ken mure u kuu”

MTIM U SHA UTAR 

GBENDA U OR ZUAN A MYOM

Mpin: Or a er nena man nana due ken zegezaiyol (ishoribo) u nan lu ker la kera, nana zua a myom? 

• Nana kav er nan ngu a ibo sha ishigh ki Aôndo, man shi er nana faityô u yiman iyol i nan ga (Luka 18: 1 – 13); saa Wan u Aôndo Una yiman nan ye (Yoh.1:12,13; 1Yoh. 5:11, Aer. 4:12)
• Nana pase kwaghbo u nan hen Aôndo (Anz. 28:13; 1Yoh. 1:8,9) shi nana de un kpaa (1Yoh 3:5 – 10)
• Nana na jighjgh er Ter de nan kwaghbo (Mbaroma 8:1-3, 33,34)
• Nana pase jighjigh u nan ne ken ishima la sha zwa u nan (Mbaroma 10:9 – 11)

MTIM U SHA UNYIIN

GBENDA U YÔÔN IVANGELI 

Mpin: Ka sha nyi gbenda nahan u pase ivangeli ami ve alu vough? 

Mrumun: Igbinda i pasen ngee. Gbenda u ua doo sha u eren tom a orne alaghga u a faityô u umen atam hen orgen ga. Kpa ken mtim ne yô, se nenge sha gbenda mom u se fe ser ua faityô u eren tom a ior cii yô. Zum u u za zua a or yô: 

1. Pase nan nana kav er ishoribo ka zaiyol u hanmaor. Nan ngu tswen ken ishoribo ga (Orp. 7:20, Mbaroma 3:10, 23; Gen. 6:12)
2. Pase nan nana kav er Aôndo Una tsaha ishoribo keng (Mbaroma 2:13,14; 6:23)
3. Pase nan nana fa er or nana faityô u yiman iyol i nan sha  ishoribo ga sha ciu saa a haa awambe a alu a ibo ga la inya keng ve a paa ibo i ishoribo ye (Mbaheberu 9:22, Lev. 17:11).
4. Pase nan nana kav er kunya kôr Aôndo a orishoribo, nahan A tindi Wan Na (Yesu) va haa awambe Na sha u yiman mba vea na Un jighjigh la (Yoh. 1: 12, 3:16 – 18)
5. Pase nan, nana fa er antior u nan kav ibo i nan man nan vaa afanyô shami, shi nan ne jighjigh er Aôndo de nan a asorabo a nan la yô, nana war (Mbaroma 10:9 – 11).
6. Pase nan nana fa wanger wanger er, or u nan ne Yesu Kristu jighjigh yô nan hingir wan u Aôndo, nahan nan zua a tahav mbu hemban ishoribo (Mbaroma 6:14, Yoh. 1:12,13; 1Yoh. 3:6-10)
7. Tese nan gbenda u vesen ken uma u he (ka msen u eren, mtim u ken Bibilo, u kohol a mbakristu man u pasen iormbagen ishiada i uma wou).

MTIM U SHA UTAAN 

MVESE U ORKRISTU 

Akaa angan ne a wase or u vesen ken Kristu 

1. Msen u eren – Luka 18:1; Mbaheberu 3:15

ii.   Mtim u ken Bibilo – Upas. 119:9,11, Yosua 1:8

iii.  U wan iko sha imo i Aôndo – Yoh. 14:21; 1Pet. 1:13 – 15

iv.  U pasen shiada i myom wou hen ior mbagenev – Luka 8:39

v.   Suur sha Aôndo sha hanma kwagh cii – Anz.3: 5 – 7 

vi   Na Icighan Jijingi ian ken uma wou – Mbagalatia 5:16,17

vii. Kohol a mbakristu – Aer. 2:42 – 47 

viii Tavershima 2Tim. 4:5, Yak. 1:12; Matt. 24:12 – 13

ix. Waan atsam sha ci u icivir I Aôndo tseegh. Maiyange de kera we atsam a ken tar ga.